Kunningi minn benti mér á þetta forvitnilega myndband þar sem það sést svart á hvítu hvernig Samfylkingaroddvitinn Guðríður Arnardóttir fyrirkemur Gunnari I. Birgissyni!

Sú aðferð sem Bandaríkin notuðu gegn föngum, og reyndu að halda fram að flokkaðist ekki undir pyntingar var “Waterboarding”. En núna sér maður að þeir refsuðu japönum sem beittu henni á bandaríska hermenn með dauðarefsingu.

Dögg Pálsdóttir kvartar undan því að hafa ekki fengið aðgang að upplýsingum um sitt gengi í prófkjörinu, sem er gott og blessað. En merkilegt að hún skuli hengja þessar kvartanir utan í frétt um útkomu Kristjáns Júlíussonar í NA-kjördæmi. Þetta moggablogg sko. …

Hér eru nokkrar spár fyrir prófkjör Sjálfstæðismanna, sem er að hefjast.

• Jórunn Frímannsdóttir nær ekki 2. sæti, þó hún sé formaður Þróttar.
• Ármann mun mæta á kjörstað í lopapeysu með bindi, og hugsanlega mun sjónvarpið fá að vita af því.
• Webbinn mun fordæma fréttamenn og fjölmiðla almennt fyrir fréttaflutning þeirra um prófkjör flokksins.
• Hinn lopapeysuskrýddi sjallinn mun áfram fara framhjá fjölmiðlum, án þess að Vefþjóðviljinn kvarti sérstaklega undan fréttamönnum landsins fyrir vikið.
• Árni Johnsen mun ekki tapa mörgum atkvæðum í Vestmannaeyjum þó kosningablaðið hans hafi týnst.
• Björn Bjarnason mun skrifa pistil (því ekki bloggar hann) um prófkjörsniðurstöðuna, og í pistlinum mun verða útúrdúr sem túlka má sem skot á Guðlaug Þór.
• Fresta mun þurfa kosningu á fyrri kjördegi þegar í ljós kemur að óprúttnir aðilar geti hreinlega flett því upp úti í bæ hverjir séu skráðir í flokkinn og hvort þeir hafi kosið, enda hafa Sjálfstæðismenn löngum verið alræmdir klaufar þegar kemur að því að framkvæma kosningar. …
• Guðlaugur Þór mun, ef hann sigrar, strax og niðurstöður liggja fyrir lýsa yfir framboði til formanns á sunnudaginn. Loftur Altice mun hins vegar túlka niðurstöðuna sem stuðningsyfirlýsingu við eigið formannsframboð.
• Fremsti fréttavefur landsins mun skrifa mikla og ítarlega lofgrein um sigurverara prófkjörs í Reykjavík, hver sem hann nú verður, enda vilja þeir byggja upp samheldni í flokknum á þessum erfiðu tímum í þjóðfélaginu.
• Jónas.is mun úthrópa hinn almenna íhaldsmann að prófkjöri loknu, og fá miklar undirtektir í kommentakerfinu. Ritstjórn dv mun daginn eftir vitna orðrétt í hin frumlegu ummæli þessa “víðlesna bloggara”.
• Reykjavíkurbréf Morgunblaðsins mun verða helgað þeim tímamótum sem niðurstöður prófkjörsins fela í sér fyrir Sjálfstæðisflokkinn og þjóðina alla. Á þessari stundu ríkir liggur hins vegar ekki fyrir hvort það verður borið saman við fyrri álíka tímamótaviðburði í sögu flokksins, enda ekki vitað hversu langt aftur minni nýja ritstjórans nær um slíka hluti.
• Smugan mun skrifa fréttaskýringu undir fyrirsögninni “Konum hafnað”.

Maður staldrar svolítið við hausinn á framboðssíðu Ármanns Kr. Ólafssonar. Slagorðið er “Gömul gildi - ný tækifæri”, sem er ss. ekki í frásögur færandi nema þar sem frambjóðandinn virðist ljá þeim aukna vigt með þessari líka fínu lopapeysu, ásamt bindinu.

Þetta hlýtur að teljast ansi djarft, enda hafa lopapeysur löngum verið bendlaðar við aðra pólitík en sjálfstæðisflokksins. ;)

Getur einhver sem nýverið hefur skipt frá Tal til Nova með farsíma mælt með því eða gegn því í ljósi reynslunnar?

Henrý Þór dregur upp góða mynd af þjóðaröryggi. :)

Ég myndi ekki segja ég væri twitter notandi. En ég tók vörumerkið frá og hef endrum og eins sett e-ð smotts þarna inn. Og sýnist alltaf vera að lifna meira og meira yfir þessu samfélagi - amk ólíklegasta fólk byrjað að fylgjast með þessu.