Það voru víst stofnuð í dag samtök pókerspilara á Íslandi eða því sem næst. Minn styður það að mestu leyti. Þetta hlýtur að mega þrífast innan rýmri marka en þeirra sem lög og lögregla heimila. Reyndar er það fánýt iðja að ætla að breyta lögunum ef lögreglar að framfylgja einhverju allt öðru.

Vissulega er alltaf hætta á því að einhver spili frá sér ráð og rænu, og kannski æruna líka.. En það getur líka hent í kjölfar saklausari happdrætta, sbr þessa upptöku bandarísku neyðarlínunnar, en þar kom lottómiði við sögu.

Þetta mikla umrót kringum dauðdaga hundsins Lúkasar á sér ef til vill eina hliðstæðu í íslenskri stjórnmálasögu: Sumsé þegar Hermann Jónasson (að því er sagt var) skaut æðarkollu á friðuðu svæði, þá lögreglustjórinn í Reykjavík.  Var orðinn ráðherra og andstæðingarnir vildu endilega gera sér mat úr þessu. Skrifuðu grein eftir grein og leiðara eftir leiðara í sín áróðursrit, sem sjálfsagt má fljótlega finna á netinu. Hermann svaraði engu - en einhver sagði í minningargrein um hann að hann hefði löngu síðar játað á sig afbrotið.

Hermann kastaði víst líka einhvern tímann fram vísu - eða eigum við að segja mansöng? - til starfstúlku í þinginu eða ráðuneytinu. Sú hét víst Svanhvít.

Ævi mín er öll ein leit
eftir hvítum svani
en ég er, eins og alþjóð veit,
aðeins kollubani.
Þetta var víst málanna málanna um hríð, enda stjórnmálin heiftúðug um þær mundir. Einhverra hluta vegna var það ekki jafnmikið tiltökumál. Það er sumsé ekki á hverjum degi sem möguleg og ómöguleg afdrif einhverrar saklausrar skepnu verður hitamál um gervallt þjóðfélagið. Einhver sam man eftir fleiri dæmum?

Fyrir hvaða fjölmiðil voru þessir að vinna?

Ég get ekki sagt ég hafi séð mikið af myndböndum með Tom Waits.

Og ég held ég hafi ekki ástæðu til að skoða fleiri úr þessu, því ég efast um að það verði nokkurn tímann toppað. :)

Er einhver sem man hvað hún hét tíkin sem sem var drepin af nágranna eigandanna í stigagangi fyrir nokkrum árum? Það var meirháttar fréttamál á sínum tíma og fjöldi hundaeiganda mætti með hunda sína fyrir utan blokkina til að sýna stuðning í verki. Einnig myndi ég vilja heyra hvort dómsmál varð af því máli og hvernig það þá féll

Ef ég man málavexti rétt voru þetta mæðgur sem bjuggu saman í blokkaríbúð og héldu hund gegn vilja nágrannans sem hafði ítrekað krafist þess hann færi úr íbúðinni  og gott ef ekki haft sitt fram í samræmi við lagaákvæði.

Svo var það einhvern tímann að mæðgurnar voru að koma í eigin íbúð og höfðu tíkina með sem hann ruddist út í verra skapinu, hrifsaði af þeim hundinn og fór með hann inn í sína eigin íbúð þar sem með einhverjum hætti murkaði lífið úr honum, að mæðgunum áheyrandi.

Ennfremur man ég eftir mynd af hundinum sem var sýnd í sjónvarpi, einkum og sérílagi þar sem hann var með slaufu og fleiri múnstreringar, sem sveitamaðurinn ég var ekki að gúddera, enda taldi ég mig gera skýran greinarmun á hundum og dúkkum eða álíka leikföngum.

En já, er einhver sem man þetta betur en ég?

Á þessu myndbandi, sem ég sá fyrst hjá Sigurjóni fær ung stúlka Lexus í 15 ára afmælisgjöf. Hún bregst við með mikilli reiði, grætur, sakar móður sína um heimsku af verra taginu og að hafa eyðilagt allt. Og var bíllinn þó draumagjöfin.

Ástæðan er tímasetningin. Hún vildi fá hann afhentan í afmælisveislunni sinni.

En það segir kannski líka sögu um það sem oftar en ekki er að gerjast innra með þeim sem mestum tíma og orku eyða í það að safna péningum: Allt gengur þetta út á að ganga í augun á meðbræðrunum eða sýna/sanna yfirburði sína. Fyrir fimmtán ára stúlku hefur það gildi að fá afhentan dýran bíl frammi fyrir öllum sem hún hefur nokkurn tímann þekkt, en annars hefur hún ekkert með kvikindið að gera.

Mér varð það á í fljótfærni að linka á Mengellu þegar hún byrjaði aftur hér um daginn. “Þetta er nú ljóti púkinn sem þú ert að fita þarna Mundi,” var það sem Már hafði um málið að segja í kommentakerfinu mínu.

Á maður nokkuð að vera að linka á nafnlausa aumingja?

Samkvæmt einkar áreiðanlegum heimildum Svansson.net munu stjórnendur Moggabloggsins innan skamms bæta eftirfarandi ákvæðum við skilmála Moggabloggsins í ljósi nýskeðra atburða:

1. Moggabloggið skal vera vettvangur fólks, um eða yfir meðalgreind, sem stunda umræður með siðprúðum og vitrænum hætti, og iðkar af metnaði þá kúnst að tjá sínar skoðanir um helstu mál landsmanna af yfirburðameinleysi. Moggabloggarar skulu vera sjálfum sér, moggablogginu og öðrum moggabloggurum til sóma.

2. Bloggurum á Bloggablogginu [sic] er skylt að haga skrifum sínum, kommentum sem að þeim er beint, og færslum bloggara um þá úti í bæ, með þeim hætti að ekki rísi upp götudómstóll á moggablogginu.

3. Notendum Morgunblaðsins er skylt að haga skrifum sínum og andmælum þannig, séu þeir nokkuð mikið lesnir á þeim tíma sem andmælin koma fram, að þeir trufli ekki sálarró þóknanlegra moggabloggara.

4. Níðvísur gegn feministum og öðrum þjóðfélagshópum sem eru innundir hjá ritstjórn Morgunblaðsins, skulu áfram vera heimilar, en þó með þeim skilyrðum að þær séu vel ortar, með réttri stuðlasetningu, og setu (”z”) þar sem það á við.

5. Moggabloggið, sem annars tekur ekki, hefur aldrei tekið og mun aldrei taka neina ábyrgð á skrifum notenda sinna, áskilur sér rétt til að loka bloggum þeirra af ástæðum sem annars eru ekki skilgreindar sérstaklega í skilmálum þessum, ef andrúmsloftið kallar upp á það.

6. Viðbætur þessar taka gildi þegar í stað og eru afturvirkar. Þeim moggabloggurum sem hafa athugasemdir við það er frjálst að flytja sig annað áður en síðum þeirra verður lokað vegna ítrekaðra brota á skilmálum blog.is