Er þetta ekki heldur vel í lagt hjá Guðjóni Friðrikssyni sagnfræðingi, sem enn fremur er einn besti ævisagnaritari landsins?

Maður skilur svosem vel að honum leiðist það að fá þennan gamal rógburð opinberaðan. En hvað ef Matthías væri látinn og dagbækurnar hefðu verið opnaðar á netinu að honum látnum? Hefði hann þá lögsótt dánarbúið?

Dagbækur, einkabréf og margvíslegar aðrar heimildir af svipuðum toga geta iðulega innihaldið leyfar af gömlum sögusögnum sem enginn fótur er fyrir - en á eigendum slíkra heimilda þá að bera skylda til að hreinsa allt slíkt í burtu áður en heimildirnar koma með e-m hætti fyrir almenningssjónir.

Guðjón er í dag búinn að neita þessu með mjög afgerandi og trúverðugum hætti - og það virðist enginn fótur fyrir því. Hefði hann frekar kosið að þvælan kæmi upp á yfirborðið löngu síðar, ef til vill að þeim báðum gengnum?

Það er reyndar margt gagnrýnivert við dagbókarbirtingar Matthíasar. Eftir sem áður eru þær heimildir, og það að mörgu leyti forvitnilegar. Ég hef hraðlesið yfir allt sem komið er á netið og lúslesið sumt, og það er einmitt margt af svipuðum toga og söguburðurum um Guðjón sem gefur þeim hvað mest gildi. Veitir innsýn í samtöl og hugarfar hjá valdamönnum, sem aftur gefur skilning á það hvernig þeir hugsa.

Nánar tiltekið: Þótt frásagnir af þessu tagi séu meiðandi og óþægilegar, hafa þær samt heimildagildi. Sagnfræðingar ættu því ekki að gera kröfur um að heimildir séu strípaðar af því sem geti verið meiðandi fyrir einstaklinga, lífs eða liðna, og þaðan af síður að búa til lagafordæmi fyrir slíku.

(Viðbót: Matthías hefur beðið Guðjón afsökunar og málinu virðist lokið - sagan verður þó skv. þessari frétt áfram á vefnum. )

Honum virðist beinlínis hafa tekist að finna Rebúblikana sem ég gæti hugsað mér að kjósa, og gert að varaforsetaefni. Það hlýtur að teljast nokkuð afrek.

Á vantrúarvefnum birtist í dag greinin Öfga-Karl Sigurbjörnsson. Hef svosem ekkert um efni greinarinnar að segja, en má ekki segja að tímasetning geti verið óheppileg?

(Viðbót: Greinin var tekin niður tímabundið um klukkan fjögur í dag)

Obama er ekki fyrr byrjaður að rísa á ný í skoðanakönnunum þegar Egill Helga fullyrðir að hann geti ekki marið þessar kosningar.

Já, og Grímur Atlason er greinilega orðinn útlærður í hagfræðilegri röksemdafærslu af stúderingum á kindajarmi í nýja héraðinu.

Ekki vil ég gera lítið úr okkar ágæta handboltaliði. En þessi fagnaðarathöfn er nú öll svolítið úr lagi gengin. Maður hefur eiginlega ekki séð jafnhallærislegan sjónvarpsviðburð síðan Keiko kom til landsins.

En nú þarf ég að hætta að blogga. þar sem það var verið að klappa lækni landsliðsins upp á svið, þar sem hann mun væntanlega standa við hliðina á Björgvini G. Sigurðssyni.

Viðbót: Laddi sjálfur mætti víst - það toppar frumlegheitin. Ómar Ragnarsson hefur líklega verið önnum kafinn við stjórnmálastörf og Baldur hefur ekki getað sett Konna í stand með svona stuttum fyrirvara.

DV-bloggarinn JensGuð gerir lítið úr handboltanum og segir ma. að það finnist ekki myndir af honum á google.

Ég reyndi að “gúgla” ljósmynd af handbolta - án árangurs.  Það fundust engar slíkar myndir á “gúglinu”.  Þess í stað fékk ég spurningu um það hvort ég væri að leita að mynd frá grettukeppni,  keppnisgrein sem er þekkt í útlöndum,  öfugt við handbolta.

Mér þætti gaman að vita hvaða stafsetningarvillu kappinn eiginlega gerði þegar pirringurinn út í þessa íþróttagrein var hvað mestur. ;)

… hér!

Íslenskir höfðu massívan sigur á Spánverjum í dag. Fyrir vikið get ég ekki hamið mig um að linka á þessa færeysku frétt um þá merkishendingu. ;)

Men stoltu og røsku íslendingarnir hava ikki latið seg tølað av íbúgvaratalinum, men havi í hondbólti havt tað, sum fasta málisku, at ”Vit eru 7 ímóti 7 á vøllinum.”.